阿拉上趟講到摩洛哥結(jié)束，阿拉今朝從突尼斯開始。

阿拉上趟講到阿拉碰到突尼斯航空個(gè)飛機(jī)，突尼斯航空飛機(jī)呢，高頭個(gè)空乘，無論是空姐也好，空少也好，儕是長來蠻好看個(gè)，就連老阿姨也是有一種像法國人一樣個(gè)感覺。包括搿個(gè)安全廣播倒是蠻阿拉伯人個(gè)。里向呢沒電視也沒電影，就幾個(gè)空中小姐拿了根帶子隨便摜兩記，然后呢老阿姨來旁邊配音，用法文講一遍，阿拉伯文講一遍。速度儕快得來勿得了。明顯伊拉曉得沒人會(huì)得聽個(gè)。然后呢我一直聽到人家講中國人聲音響，講搿閑話個(gè)人肯定沒趁過突尼斯航空個(gè)飛機(jī)。噢喲，如果講儂趁來一趟突尼斯航空個(gè)飛機(jī)，儂會(huì)得曉得阿拉中國人真?zhèn)€是老內(nèi)向個(gè)，勿大響個(gè)。伊拉個(gè)飛機(jī)高頭哦，聲音最輕個(gè)是一個(gè)小毛頭，因?yàn)槿虂肀椨X。

講起突尼斯航空個(gè)飛機(jī)餐呢，倒是只特色。之前呢我咨詢個(gè)辰光，就是別個(gè)事體嘛，沒想到搿個(gè)突尼斯航空個(gè)客服小姐一看到我中國人，主動(dòng)講：儂要申請(qǐng)海鮮特殊餐伐？后頭我真?zhèn)€去申請(qǐng)了。阿拉拿著個(gè)海鮮餐倒是蠻好，又有蝦又有魚。美中勿足個(gè)地方也有個(gè)。伊提供個(gè)咖啡是沒奶也沒糖個(gè)。最后呢我用了阿拉小朋友個(gè)芝士塊，伊沒吃嘛，還有其他個(gè)糖放進(jìn)去個(gè)。我問空姐要，空姐幫我講馬上就來，馬上就來，結(jié)果落到地面高頭都沒拿著。

▍海鮮飛機(jī)餐

后頭搿飛機(jī)落地個(gè)辰光呢，阿拉還看了。我去拿包個(gè)辰光，看到飛機(jī)高頭個(gè)地毯還沒鋪滿，搿縫道里向儕是勿曉得啥人摜下來個(gè)垃圾還塞辣里向，儕吃個(gè)物事個(gè)垃圾。從摩洛哥卡薩布蘭卡到突尼斯呢，一共兩個(gè)鐘頭。兩個(gè)鐘頭之后呢，就到了。就到了突尼斯了。

一到突尼斯機(jī)場(chǎng)，就是講撥人家感覺嘛，就是半開放個(gè)狀態(tài)。突尼斯進(jìn)關(guān)老便當(dāng)個(gè)，然后老爺叔拿了張護(hù)照，一邊蹲旁邊吹吹牛皮，一邊敲了只圖章就好了。入關(guān)之后呢，就拿了張免費(fèi)個(gè)突尼斯電信個(gè)卡，卡里向有得100M跟6分鐘通話嘛，儕勿要鈔票個(gè)。后頭我充了5塊洋鈿，就相當(dāng)于人民幣15洋鈿個(gè)通話，還有15塊洋鈿個(gè)網(wǎng)絡(luò)。拿著免費(fèi)個(gè)卡之后呢，就碰著突突，伊突尼斯嘛，伊搞笑個(gè)第一樁事體。行李帶壞脫了伊講。我坐過介許多國際國內(nèi)個(gè)飛機(jī)，第一趟聽到介搞笑個(gè)事體。難末呢阿拉集體撥帶到行李傳送帶，難末阿拉只航班，還有另外只意大利飛來個(gè)航班，一淘出來。還有得小朋友呢，還有就講我一個(gè)突尼斯個(gè)朋友，還有辣海賓館個(gè)接站個(gè)老爺叔儕來等。然后呢感覺哪能后頭班行李哪能已經(jīng)儕撤脫了啦？阿拉行李還沒？

然后托阿拉帶物事個(gè)搿小朋友就講唻，伊講阿是搿行李有問題啊？后頭我還去，我還去行李處問唻，搿辰光外頭賓館接站個(gè)老爺叔還去尋人哦。已經(jīng)去廣播尋人尋阿拉伊講。難末呢行李處個(gè)搿女個(gè)呢，蠻淡定個(gè)，一邊來搓指掐，一邊來講。我講儂看阿拉行李落脫了。伊講：?阿里只航班？我拿航班號(hào)頭報(bào)撥伊。伊講：行李還沒走光唻。我講我看后頭行李還沒出來唻。搿女個(gè)講還沒走光唻，走光了全部尋勿著，全部走光了，然后行李?再尋勿著再來尋我。難末我屏勿牢了，我上廁所去了。覺著勿對(duì)啊，阿拉飛機(jī)高頭個(gè)，也是上海人個(gè)老阿姨拿了行李跑脫唻。我上好廁所一看，阿拉個(gè)行李放了另外一只傳送帶高頭，勿是先頭帶阿拉去個(gè)一只。后頭我再曉得，因?yàn)榘⒗恍欣顜拿摿寺铮鞍腼w機(jī)個(gè)人，撥帶到阿拉搿只行李帶，后頭飛機(jī)個(gè)人，撥帶到另外只行李帶。居然，至于儂搿飛機(jī)阿里只位置出，阿拉也勿曉得。反正伊拉也曉得，阿拉沒拿著行李是勿會(huì)得跑個(gè)。

后頭來好勿容易出關(guān)，尋著阿拉搿小朋友呢，阿拉再曉得，阿拉去個(gè)搿幾天，突尼斯個(gè)差頭司機(jī)儕罷工了。噢喲，搿罷工兩個(gè)字哦，想想是蹲辣阿拉國家只有教科書高頭再學(xué)著過哦，居然撥阿拉碰著了哦。講起來之前嘛，阿拉小朋友拿就是只漢莎航空個(gè)十年來個(gè)罷工日腳全部列出來了，還特地排了只勿會(huì)罷工個(gè)日腳出來。沒想到跑到突尼斯碰著罷工，也是噢喲。

賓館個(gè)接車個(gè)老爺叔碰著阿拉，搿只赤佬更加搞笑，伊講伊就是罷工個(gè)差頭司機(jī)。為啥伊蹲了阿拉近呢，因?yàn)槔碚摳哳^伊應(yīng)該來罷工，伊利用罷工個(gè)辰光出來賺外快。常怕?lián)苋思艺J(rèn)出來。后頭呢，一邊開阿拉回去呢，一邊來講儂加五塊洋鈿，就拿阿拉送到一只當(dāng)?shù)貍€(gè)博物館。因?yàn)榘⒗旧拖肴ヂ?，阿拉想也來三。就讓伊拿阿拉行李送到賓館，阿拉就先到只博物館去了。迭只博物館個(gè)賓館呢，是11塊洋鈿。寄包是勿要鈔票個(gè)，理論高頭四點(diǎn)半關(guān)門，但是阿拉伯人儕曉得個(gè)，基本浪四點(diǎn)鐘就會(huì)得儕跑光了。所以阿拉到個(gè)辰光三點(diǎn)多了，搿寄包個(gè)阿姨講，叫阿拉保證一個(gè)鐘頭之內(nèi)全部看光。然后阿拉就真?zhèn)€蹲辣一個(gè)鐘頭之內(nèi)全部看光了。

搿個(gè)博物館呢，是突尼斯最大個(gè)一只博物館。里向有得交關(guān)蠻珍貴個(gè)馬賽克個(gè)作品。從博物館一只窗口頭看過去呢，有得只名字蠻左翼個(gè)一只雜志個(gè)出版社。出來之后呢，我再曉得，我拿了一只手機(jī)號(hào)頭，我還勿曉得是啥唻？然后我問搿前臺(tái)，前臺(tái)小姑娘，我講手機(jī)號(hào)頭是啥？我末尋來尋去尋勿著，結(jié)果伊拉也沒尋著。最后呢有得一個(gè)叫Emad個(gè)，搿個(gè)也是爺叔伐，不過也勿好講，因?yàn)橐晾L了老，搞了勿好說勿定年紀(jì)還沒我大。老積極個(gè)，伊講用伊個(gè)手機(jī)，叫我，伊用我個(gè)手機(jī)撥伊個(gè)號(hào)頭，還老開心個(gè)講，伊講哎喲，我只號(hào)頭是第一個(gè)打儂搿只號(hào)頭哦。儂唻。我想想哦。

▍巴多博物館內(nèi)部

后頭走辣路高頭，有兩個(gè)好像，至少是90后，最大勿會(huì)，應(yīng)該講是00后伐。兩個(gè)小赤佬，特地蹲辣阿拉身邊停車，還跟阿拉用中文打招呼：你好。阿拉嚇了一跳了。阿拉其實(shí)兩個(gè)也是老阿姨了。出門之后呢，阿拉蹲辣AL BARDO搿只站頭趁地鐵。地鐵票呢辣一只老破老破個(gè)，像垃圾桶一樣個(gè)售票亭買。除脫地鐵票呢，還有得小火車個(gè)票子，就是趁到啥藍(lán)白小鎮(zhèn)，還有迦太基個(gè)，嗯，就是只小火車個(gè)票子，好一淘買個(gè)。一共是一塊洋鈿多一點(diǎn)。到了巴塞羅那，到了巴塞羅那之后就轉(zhuǎn)三號(hào)線，再到Tunis Marine搿只站頭。就小火車到sidi bou said，就藍(lán)白嘛。

講起搿只突尼斯藍(lán)白小鎮(zhèn)哦，真名叫sidi bou said。搿只，搿只小鎮(zhèn)呢，是網(wǎng)紅了勿得了，紅得來突尼斯紅得來發(fā)紫個(gè)地方。首先講一聲，從鐵路下來，是要走個(gè)。小火車嘛，下來是要走個(gè)。搿只鐵路站，破是破得來勿得了。秧溝洞蓋頭也沒個(gè)。蓋頭放辣旁邊伊講。噢喲，嚇了我一跳。至于從啥地方走呢，反正火車下來，跟牢人家走就對(duì)了。基本浪儕到搿地方個(gè)。走到搿搭呢，就是講反正，儂要走到搿最著名個(gè)搿只咖啡館呢，儂就筆直走。一直走，走到底，走到底呢，就是人家網(wǎng)紅照片個(gè)地方。

搿只地方呢，真名，搿只地方交關(guān)儕叫Cafe Delice。所有個(gè)藍(lán)白小鎮(zhèn)照片儕是來搿搭拍個(gè)。問題是儂來地圖高頭尋，儂尋，儂是尋勿著搿只Cafe Delice個(gè)。因?yàn)殡≈豢Х瑞^個(gè)真名叫Cafe Bou Chabane。為啥體叫Cafe Delice呢？因?yàn)橐岭≈话⒗拿帜?，放辣忒高，撥?/span>??（擋）脫了。然后呢，Cafe Delice呢意思是就是比較精致個(gè)咖啡館嘛。是伊拉自家封個(gè)，就放辣當(dāng)中，就撥人家看到了。所以伊本生名字已經(jīng)看勿到了。因?yàn)閾茏?/span>??（擋）脫了。

▍咖啡館

搿咖啡館最有名個(gè)呢是帶松子個(gè)薄荷茶。兩杯12D。講起搿賬單高頭還寫一萬兩千塊，嚇了我一大跳。可以講來突尼斯看起來是天價(jià)了。葛末人家出名呀，啥人叫人家出名呢？里向有只老頭瞎有勁，硬勁要拿伊拉個(gè)26歲個(gè)老帥個(gè)兒子介紹撥阿拉小朋友。我心里想，噢喲，阿拉儕，兩家頭儕大阿姐唻。

▍薄荷茶

出了藍(lán)白之后呢，阿拉下來個(gè)地方有得只勿要鈔票個(gè)接免費(fèi)水個(gè)地方。我看到有只老頭辣接免費(fèi)水。路高頭呢轉(zhuǎn)了半日天，我還是決定吃烤魚。一條烤魚是八點(diǎn)五塊，八塊五角，兩家頭吃蠻實(shí)惠個(gè)?；赝荒崴箓€(gè)火車有點(diǎn)搞笑。因?yàn)檫塘?，賣票子個(gè)人回去了。就跟我講，反正要查票個(gè)。查票個(gè)地方儂頂多補(bǔ)票好唻，勿要緊個(gè)。后頭來回去個(gè)路高頭呢，還有只老難看個(gè)人硬勁問我要facebook，后頭還講請(qǐng)我吃咖啡。我雖然是老阿姨，但是看到介難看個(gè)看看還是勿來三個(gè)。回來路高頭還碰著一個(gè)阿拉伯人冷陌生頭跳舞，我以為神經(jīng)病了。后頭只小赤佬講，因?yàn)橐翚g喜個(gè)球隊(duì)贏了，所以要跳舞。搿辰光呢，有個(gè)賣相蠻好個(gè)人主動(dòng)講，伊跟阿拉一路，看看賣相蠻好嘛，賣相也蠻好，伊陪阿拉一直，就到剛剛只巴塞羅那搿只地方。

▍烤魚

來埃面搭呢我打電話撥賓館，叫賓館個(gè)人出來接阿拉。接阿拉個(gè)路高頭呢還陪阿拉等。期間呢來了把差頭，跟阿拉講，伊講送阿拉回賓館可以，要30塊伊講。我心里想，阿拉機(jī)場(chǎng)回來也搿點(diǎn)。搿辰光賓館個(gè)人終于回來了，一個(gè)男個(gè)一個(gè)女個(gè)過來。一個(gè)男個(gè)，一個(gè)女個(gè)。搿男個(gè)，竟然90后哦，搿只面孔哦，講是70后我一眼也勿會(huì)懷疑。

▍咖啡館夜景

我覺著其實(shí)老城個(gè)夜到還是蠻嚇人個(gè)，冷陌生頭角落里竄出來一群人。搿男個(gè)問伊：?做啥？阿拉夜里沒事體做來唱歌。后頭來走了老長辰光到賓館了，還講了，阿拉就帶?走一趟，下趟?自家走。阿拉個(gè)行李倒是到了房間了，但是火氣大個(gè)是啥？搿只賓館個(gè)衛(wèi)生間哪能來外頭個(gè)？因?yàn)槲抑皫屠习逯v，伊講有獨(dú)立衛(wèi)生間。難末伊講伊拉只有一間有獨(dú)立衛(wèi)生間，已經(jīng)訂出去了。難末阿拉想反正就一只房間，就算了。一只夜到也就算了。其實(shí)搿只賓館呢是人家推薦個(gè)，但是呢搿推薦個(gè)人價(jià)鈿是阿拉三分之一。然后呢搿家老板是蠻好個(gè)，人也蠻好，但是實(shí)事求是講，儂位置跟設(shè)施一塌糊涂。所以后頭我就拿搿只，最后一天，搿只賓館行程嘛，我本生訂辣，后頭取消了，我調(diào)了另外只賓館。

攝影：小女生施維雅

口述：小女生施維雅

聽寫：神死慟瞑

編輯：神死慟瞑

點(diǎn)擊