1973年1月，我即將中學畢業(yè)，按當時做法，畢業(yè)班要先學工學農(nóng)。我就讀個上海交大附中，就安排我伲勒勒上海北火車站客運處，也就是上海人俗稱個“老北站”學工。于是，我伲一幫還嘸沒跨出中學校門、十七八歲個少男少女，胸前別了鐵路局標記個《工作證》，一本正經(jīng)做起了火車站服務員。

學工從當年1月份開始，3月份結(jié)束，總共差勿多是一百天橫里，當中還正好碰著春節(jié)假期前后個客運高峰。全班一半人，包括我，儕是勒勒北站進口處候車室當服務員，另外一半人安排勒出口處，負責查驗出站旅客火車票。

當年，與其講是學工，還勿如講是協(xié)助上海鐵路客運站，去完成高峰期間個客運任務，倒是有眼像現(xiàn)在個志愿者。記得伊歇辰光火車站里里外外掛個標語儕是“揮汗大戰(zhàn)一百天，完成春節(jié)客運”，迭個也就是我伲學工活動個基本寫照。

鐵路部門是實行半軍事化管理個。上?；疖囌旧习嗍窃缫箖砂嘀?，早班是早浪7點一直到夜里19點，夜班就是夜里19點一直到第二天早浪7點，做足十二個鐘頭，休息一日，再搿能挨下去輪轉(zhuǎn)。迭個等于做一休一，但是其他國定節(jié)假日就儕嘸沒了。為了方便大家上下班，鐵路方面為大家每人配備一張“公共汽車交通月票”，迭個真讓大家喜出望外，儕開心煞了，交關(guān)同學休息天也勿肯蹲勒屋里，總歸要出去，換乘各路公交車，一心要拿整個上海儕跑遍。

工作日吃飯辰光，大家就到候車室邊頭個上海鐵路局食堂里去吃，搿搭就是鐵路員工俗稱個“路局食堂”。路局管轄范圍是整個華東六省一市，當時上海路局下設(shè)上海、南京、南昌搭仔福州四個分局，老北站是上海鐵路分局下頭個一只處級單位，有“服務車間”個美稱。路局食堂供應個品種是應有盡有，尤其伊拉個各種點心搭仔小鍋炒菜，對阿拉迭眼住了4年中學集體宿舍，長年累月只吃眼單調(diào)乏味大鍋菜個住宿學生來講，簡直就是一記頭落到蜜罐里了，午餐、夜宵儕是美味佳肴，大家只當工作日就是口福日，有人索介上班辰光也候分掐數(shù)，獨想就餐辰光快快到來。

分配勒候車室個同學，跟一個客運值班長老翟（上海話di）師傅當服務員。老翟原籍蘇北，中等個子，五十多歲，講一口蘇北腔普通話，因為是禿頂，所以總歸戴只帽子，帽子個鴨舌頭也總歸翹勒海。伊人顯得邪氣干練，手把手教一幫初到社會個中學生：要哪能介去識別、觀察人，辨別啥人再是真正需要幫助個人，以及哪能區(qū)分說謊或者心術(shù)勿正個人。由于長期跟人打交道，閱人無數(shù)，老翟看人辰光，歡喜從頭到腳拿伊打量一番，然后問眼好像是漫不經(jīng)心個事體，其實迭眼儕是有鋪墊、有前后因果關(guān)系個問題。伊眼游手好閑不務正業(yè)個、趁人擁擠耍流氓調(diào)戲猥褻婦女個、說謊詐騙個，以及專門來軋苗頭銃皮夾子個，常莊撥伊兩句閑話一問，就露出了馬腳。

當時剛好是春運高峰期間，南區(qū)候車室又是主要列車個發(fā)車點，所以狹小個候車室整天儕是人山人海，有個別熱門線路車次，只好拿旅客拉到露天廣場浪去排隊，迭個就苦了伊眼帶了大包小包行李個旅客了，一只圈子兜下來，常莊有人拿行李落脫了。另外當時每天來火車站乘車個上海老三屆知青也邪氣多，伊拉個特點是送客多，有爺娘搭仔兄弟姐妹，甚至還有阿奶老爹也過來送行。知青個行李也特別多，因為當年外地，尤其是外地農(nóng)村，真是沒吃少著，知青回滬探親，恨勿得吃個著個樣樣儕帶足…… 伊拉會得眼熱個看看年輕個小阿弟立勒高凳子浪，手拿電喇叭維護秩序，有個家長還錯拿學生當成鐵路職工了，講“?分配勒上海工作真好，阿拉小囡到外地插隊落戶，真是苦啊”。大家聽了迭個戮心肺個閑話，心里也勿是個味道。

勒學工之前，我是交關(guān)佩服火車站服務員個，數(shù)以百計個各趟列車車次、始發(fā)時間、終點站，還有火車途經(jīng)個重要城市等等，伊拉是哪能做到張口就來，倒背如流個呢？后來我到候車室工作，天天跟《列車時刻表》打交道，每天接手始發(fā)車次，再曉得迭個里向是邪氣有規(guī)律個，摸準了規(guī)律就自然做到熟能生巧。勿到一禮拜，我伲迭眼“學生員工”，竟然也可以從容個回答旅客個問詢了。

當時上海始發(fā)列車，20數(shù)字以內(nèi)個是特快車，20以上到100數(shù)字以內(nèi)個，是只停大站個快車，100數(shù)字以上個，就是站站停個慢車了。因為伊票價低，所以乘客特別多，上海周邊個江浙一帶，一般儕是慢車來運載旅客，所以人多擁擠、行李超重搭仔拖老帶幼，就是搿種列車乘客最顯著個特征。

3字頭以上列車儕是臨時加班車，像上海到寧波個315次棚車，每天零點40分發(fā)車，因為棚車是嘸沒座位個，廁所也只是勒勒車廂一只角落里用草簾子遮起來，里向放兩只木桶，所以伊個票價勿到普通車票價個三分之一。搿趟車每日天旅客量大得勿得了，候車室三四排近50米長個縱向座位浪，全部坐滿人還勿算，當中走道也儕軋滿，一旦傳來檢票放客命令，全體候車人儕“哄”個一記頭立起來，勿管一切，拖帶行李朝前沖。所以，當時每到315次車放客，我伲必須全力以赴，上崗維護秩序，每趟儕像打仗一樣。有辰光還要派幾個身強體壯個男生，面對乘客，雙手推牢人群慢慢較朝后移，而軋勒最前排個乘客，尤其是女乘客，因為受勿了前后兩面推拉，常莊會大聲驚叫起來……

等到315次車檢完票，原來擁擠不堪人聲鼎沸個候車室，會得一下子空蕩蕩安靜下來，我伲就要抓緊空檔打掃候車室，每次儕會發(fā)現(xiàn)地浪向有旅客勒勒擁擠過程中落脫個小物事，頂多個是鞋子、鋼筆搭仔鈕子。

當年315次車是上海半夜發(fā)出個最后一班大客流車次，后面要到凌晨四五點再有始發(fā)車檢票，所以大家打掃完候車室，留少數(shù)人值班，多數(shù)儕回到職工休息室，抓緊辰光休息休息，睏脫一寣。

光陰一晃，半個世紀過去了，我也從毛頭青蔥季節(jié)，到了兩鬢灰白年齡。1987年12月，一座嶄新個上?；疖囌荆绽债敃r蘇州河北岸閘北區(qū)正式建成，迭個就是上海市民心里區(qū)別于老北站個“新客站”。

新客站是當時全國第一座現(xiàn)代化火車站，站區(qū)里有18部電梯供旅客上下進出，上千平方米個寬暢候車室竟有16間之多。迭個跟我伲當年學工辰光，老北站個最大候車室還勿足400平方米比起來，真可以講是天浪地下了。