箍桶店“小開”

作者：侯寶良

滬語誦讀：和沁

老早箍桶店生意蠻好，現(xiàn)在后生家勿曉得啥叫“箍桶”。今朝我順便講講箍桶店“小開”的故事。儂聽聽就曉得箍桶個事體。

（吳理人 畫）

老底子日常人家儕離勿開“桶”，蒸粢飯個叫“飯桶”，大、小便用個叫“馬桶”，汏腳、汏浴個叫腳桶、浴桶。搿眼桶儕是箍桶匠用一塊塊木板圈起來，再用鐵圈箍牢，迭種店家就叫“箍桶店”。

上海人稱“小開”儕曉得是老板個倪子，我講起迭家箍桶店小開，原本勿是老板倪子，是來箍桶店里“學(xué)生意”（學(xué)徒）個小年青。伊正好姓“凱”。大字勿識幾個，做事體蠻“巴結(jié)”（勤勞）人家問伊姓啥？伊就來勁講：“袁世凱個'凱’”。要問袁世凱個哪能事體？伊倒講勿清爽唻。搿就覅管伊了，反正鄰舍道里、上門顧客隨口叫伊“小凱”，剛巧跟“小開”同音，勿曉得個人還以為是老板個倪子唻。噯，儂覅講巧事體是有個！辰光長了老板看看小凱做事體認真、人又老實，也想尋個將來照顧店面?zhèn)€人。自家有個獨養(yǎng)囡，有趟伊問小凱是否愿意做“招女婿”？小凱是浦東人，想想爺娘過世早，老板對我勿錯，當(dāng)然同意為伊拉養(yǎng)老送終。就迭能么伊正式做了“小開”。

（范生福  畫）

從此，箍桶店生意就有小開管，好辣伊人客氣、手藝勿錯，生意自然蠻好。記得小辰光我經(jīng)常到伊店里白相，叫伊小開爺叔，看伊做各種各樣木桶，聽伊講做桶個木板儕是杉木，因為杉木吸水好、勿容易開裂、變形，木質(zhì)松容易加工。其實箍桶個技術(shù)邪氣復(fù)雜，辣規(guī)定個圓周里計算用幾塊木板、勿同形狀個桶有勿同個扇形忒仔圓弧形以及梯形，儕靠刨、削、鏤搿排手工做個。尤其是漂亮個馬桶蓋浪有精美雕刻工藝，撥油漆師傅上漆、描金后簡直勿亞于收藏個工藝品。

箍桶店除了做常規(guī)腳桶、馬桶外，更加多是定做勿同規(guī)格浴桶，像橢圓形個腰子桶、人好泡辣里廂個日本桶、茶壺保暖個茶壺桶、小菜場里腌咸菜用個水桶真是五花八門。結(jié)婚陪嫁用三件套桶，（小個汏腳、中個汏衣裳、大個汏?。┳u為傳宗接代出嫁馬桶討口彩叫“子孫桶”，做功還要考究。除脫做桶外還要修理雜七雜八個舊桶，有調(diào)木板、調(diào)換斷箍、拎攀咾啥個。小凱生意忙了來勿及做。

后來有了塑料馬桶、水桶、洗衣機、保暖桶搿排方便、輕巧家用物事走進了千家萬戶，小凱迭種古老個箍桶店開始冷落了，勿曉得啥辰光無聲無息關(guān)脫了。

近幾年里，我辣近郊古鎮(zhèn)好奇?zhèn)€看到有爿箍桶店，陳列出各種小馬桶、腳桶、茶桶模型。小老板伊講現(xiàn)在主要做時尚個泡腳桶，搿排模型儕是伊拉阿爸做做白相，新婚人家特別歡喜“子孫桶”。正辣講話辰光，里廂出來一位老人，看我有眼面熟陌生想勿起來，我看看倒想著了：“儂是，箍桶店小凱！”倪子奇怪問爺：“阿爸儂認得伊啊”？老人家激動講“哪能勿認得？是阿拉老早老鄰居啊”！

根據(jù)2022年6月12日《新民晚報》上海閑話改編