“甜愛路”是一條緊貼魯迅公園東邊，南北走向個小馬路，現(xiàn)在伊個名氣老響個，特別是年輕個情侶們，拿伊看成為一條圣潔個“愛情之路”，有交關(guān)人還特地到搿搭來探訪、體驗，或者專門到搿搭約，牽手依偎，從路頭散步到路底，甚至會來來回回而流連忘返。

　　追溯搿條取名特別個馬路個來歷，還得從老上海個租界時期講起。最初公共租界工部局垃拉今朝武進路附件建造了一個靶子場，供萬國商團搭外國僑民打靶訓練和取樂，但以后搿搭城市化了，人口也逐漸多了，乃末只得撤離。垃拉清光緒二十二年（1896年）遠遷到了當時還是農(nóng)田、荒地相間個現(xiàn)在個四川北路底。五年以后，工部局又決定垃拉靶子場個西邊開闊之地，興建一個以體育活動與娛樂為主個大型綠化公園。園內(nèi)個體育設(shè)施有網(wǎng)球場、曲棍球場、板球場、高爾夫球場、草地滾球場、足球場等（有常時還經(jīng)常垃拉此地舉行運動會），也因為迭能，迭個公園初名叫“新娛樂場”、“虹口游樂場”，一直到1922年垃拉地域擴充后才改名為“虹口公園”。不過，太平洋戰(zhàn)爭爆發(fā)后，搿一帶完全撥拉日偽當局占領(lǐng)，公園個體育、娛樂功能萎縮，打靶停止，場地改作了堆棧倉庫搭做雜用。當抗戰(zhàn)勝利以后，公園（曾改名為中正公園）依然存在，但打靶場卻完全廢棄了?？箲?zhàn)結(jié)束后，從北四川路（即今四川北路）斜向向靶子場東，已開辟有一路，搿條路就是今朝個甜愛路個南段（從今四川北路口到今甜愛支路），當時路名為“甜安路”。解放以后，1950年從公園劃地籌建虹口體育場，同時靶子場正式擴充并入公園。也就垃拉搿個辰光，原先靶子場東邊本來就有個一條南北向小道，撥拉開辟以外，與南邊個甜安路打通連接起來。兩路合并，總歸要有一個新名。因道路南段東側(cè)有建于1928年個大型新式里弄“千愛里”，乃末各取“甜”、 “愛”兩字，全路定名為“甜愛路”了。

　　甜愛路寬僅七八米，舊時并勿起眼，更談勿上浪漫了。一是垃拉搿一帶，四川北路是蘇州河北個大通道，以往南來北往車水馬龍儕過搿條馬路，去白相虹口公園（現(xiàn)為魯迅公園）也是必行搿個主干道；二是甜愛路雖長700多米，卻是一條斷頭路，即其北端是死路，不對外通連；三是東邊千愛里、大陸新村等居民點，主出入口都勿垃搿條路，而位于東邊個山陰路浪，居民往來多是從山陰路進出。由于迭些種種原因，所以甜愛路上經(jīng)常是冷冷清清、行人稀少，尤其是到了夜到，路燈昏黃，冷落寂寥，一般大家勿會走搿條路，老早經(jīng)過搿條路個行人走垃拉路浪，也不免真還有點心慌呢。

　　近十多年來，搿條小馬路也鬧猛起來，南段成了多路公交車輛個?？空荆倍魏缈诠珗@則開了兩個東便門。而最重要個是，改革開放以后，地名文化也成了社會資源搭旅游資源，因為路名后面有歷史、有故事，所以自然而然個引起了大家個關(guān)心，其文化價值于是被廣泛地開發(fā)、調(diào)動了起來。垃拉上海，像甜愛路迭能個名稱，自然更容易撥拉社會注意，故它終于凸顯地進入了時尚青年男女的視野，得到了他（她）們的熱愛和追捧。再經(jīng)媒體個推波助瀾炒作及地方政府有心著意個打造（現(xiàn)虹口政府在路南段特地做了28面包含中外著名愛情詩的“詩墻”），搿條甜愛路逐漸垃拉上海幾千條個馬路名稱中脫穎而出，雖仍舊是一條小馬路，但今朝卻閃耀出非同一般個浪漫，還能令人產(chǎn)生無限想象個浪漫色彩了。其實，老早甜愛路搭愛情一眼嘸沒關(guān)系。